VALDERAMA ANTIQUE – Nagapati si Valderrama Antique Vice Mayor Josefino Castillon nga mahimo may lamud pamulitika ang tuyo nga pagtiro sa iya kun sa diin ginbawian sang kabuhi ang isa niya ka supporter matapos magtambong ang mga ini sa kahiwatan sa Brgy. Buluangan I sa nasambit nga banwa.
Sa interview sang Bombo Radyo kay Castillon, iya ginpahayag nga wala sang kamatuoran ang ginapahayag old grudges bangud wala siya nagahupot sini kag isa siya ka maamiguhon nga tawo kag madamo sang kakilala.
Suno pa kay Castillon, wala man siya sang may ginatumod nga pangalan apang sa iya pagpanagupnop mahimo nga may lamud pamulitika ang nagluntad nga insidente.
Nahibaluan nga ginbawian gid sang kabuhi si Angelito Roquero Jr, 26 anyos sang Brgy. Takas sa nasambit nga banwa supporter ni Castillon sa diin nakaangkon ini sang igo sa dughan.
Ginkilala naman ang suspek nga si Raymart Francisco, 25 anyos, sang Brgy Cansilayan kag ginapahayag tinawo sang re electionist kag incumbent mayor sang Valderrama, Antique nga si Jocelyn Posadas
Sa subong preso ang suspek sa Valderama Municipal Police Station. Nahibaluan nga si Castillon ang liwat nga nagapadalagan bilang bise alkalde sa Valderrama Antique.
