Ordinaryo lang ang valentine’s day sa Congo, Africa.
Suno kay Bombo International Correspondent Fr. Dave Tacay, wala ginaselebrar ang valentine’s day sang mga congolese bangud indi sila showy sang ila “love” kag wala sang public display of affection (PDA).
Suno kay Fr. Tacay, ini masami nga makit-an ang mga congolese nga naga-date sa parks ukon restaurants.
Apang, bangud sa madamo nga foreigners sa amu nga pungsod, nagapreparar sa gihapon sang pila ka aktibidad kag decorations ang mga lokal sang Congo.
Tradition naman sang Congolese nga magpatahi sang traditional dress para sa couple.
Ini amu ang terno nga tela nga kaangay sang “malong” sa Pilipinas.
Ginapatahi ini nga terno nga blouse kag palda para sa babayi kag polo kag pantalon naman para sa mga lalaki.
Mixed ukon combination sang nagkalain-lain nga kultura sang tagsa ka foreigners ang selebrasyon sang Valentine’s day sa Congo.
Simple man nga nagapadulong sa restaurants kag parks ang mga couple para sa ila nga date.
