ILOILO CITY – Temporaryo nga ipauntat ang validation sa Oplan Hawan sa syudad sang Iloilo.
Sa interview sang Bombo Radyo kay Task Force on Anti-Squatting and Illegal Structures Unit Head Love Joy Hosenilla, iya ginpahayag nga sa Marso 5 padayunon ang validation.
Ini bangud nga suno kay Hosenilla, ila anay nga tutukan ang pagpatuman sang memorandum nga ginpaguwa sang Department of Interior and Local Government tuhoy sa pagdumili sa mga tricycle kag trisikad nga magbyahe sa national road.
Sa pihak sini, gin-athag ni Hosenilla nga magapadayon sa gihapon ang Oplan Hawan agud nga makuha na ang tanan nga sablag sa dalan.
Illegal parking suno kay Hosenilla ang nagapanguna nga problema sa tagsa ka barangay samtang ang illegal structures naman ang amat-amat na nga nagapangguba.
