ILOILO CITY– Ginpasigurado sang Vallacar Transit Inc. nga may byahe ang tanan nga Ceres bus sa syudad kag probinsya sang Iloilo.
Sa interview sang Bombo Radyo kay Janice Original, Administrative Manager sang Vallacar Transit Inc., iya ginpahayag nga 10 ka unit sang bus ang igadugang agud nga magbyahe sa syudad.
Suno kay Original, may yara man sang standby units para sa augmentation apang sa iban nga probinsya, wala anay sang byahe bangud sa border restrictions.
Ginpahayag man ni Original nga may ginasunod nga protocol antes magsakay sa Ceres bus kasubong sang pag check sang body temperature kag pagtapak sa footbath.
Kinahanglan man nga ang mga pasahero ang may yara sang face mask kag indi pagpungkuan ang mga pulungkuan nga may yara sang X-mark para sa physical distancing.
May ginapapirmahan man nga manifesto agud mahibalu-an ang pangalan, address kag contact number sang pasahero agud magamit sa contact tracing
