ILOILO CITY – Ginapa-imbestigaran na sang pamunuan sang Iloilo City Police Office (ICPO) ang mga insidente sang vandalism sa siyudad gamit ang pula nga spray paint nga nagatib-ong kag nagapakamaayo sang National Democratic Front of the Philippines (NDFP) kag New People’s Army (NPA).
Suno kay Senior Insp. Sheila Mae Acanto Sangrines, ang taghambal sang ICPO, may mandu na si ICPO director Senior Supt. Henry Biñas sa Intelligence Community nga hibaluon kun sanday sin-o ang may kahimuan sang mga serye sang pag-spray sang pula nga pinta sa pila ka istruktura sang siyudad.
Dugang pa ni Sangrines, nanotaran sang PNP ang pagdata sang vandalismo matapos ang anibersaryo sang komunista nga grupo.
Sa karon indi pa makumpirma sang ICPO kun may presensiya sang NPA diri sa syudad sang Iloilo kag kun ang mga tagasuporta ukon tagsakdag lamang sang grupo amo ang may kahimuan sini.