Liwat nga gindumdom sang misis nga si Vannesa ang iya bana nga si basketball legend nga si Kobe Bryant pinaagi sa pag-post sang mga gamit sini sa social media.
Malapit walo na ka bulan sang nagtaliwan si Kobe kaupod sang ila anak nga si Gianna kag pito ka iban pa sang nagtibusok ang helicopter nga ila ginasakyan.
Sa instagram post ni Vanessa, iya ginpakita ang mga gamit ni Kobe kag may hashtag nga #HoarderWife.
Suno kay Vanessa, ginatago niya ang mga gamit ni Kobe para sa iya mga kabataan.
Lakip sa mga memorabilia amo ang jersey ni Kobe sang 2001 All-Star Game, ang bayo sini pag-champagne shower kasunod sang pagdaog sang Lakers kag sapatos.
