Ginkilala ang Filipino-American actress nga si Vanessa Hudgens bilang Global Tourism Ambassador for the Philippines.
Ginhatag ni President Ferdinand ‘Bongbong’ Marcos, Jr. ang honorary title kay Hudgens agud ma-promote sini ang turismo sang Pilipinas kag matib-ong ang global status sang pungsod.
Lakip sa nagsaksi sa conferment sa Malacañan Palace amo sanday Presidential Adviser on Creative Communications Paul Soriano kag Department of Tourism Secretary Christina Frasco.
Isa sa initiatives sang Office of the Presidential Adviser on Creative Communications kag DOT amo ang documentary project nga naga-highlight sang Filipino roots ni Hudgens. Lakip sa historical landmarks nga makit-an diri amo Intramuros kag ang National Museum sa Manila kag El Nido sa Palawan.
Popular si Hudgens nga isa ka High School Musical star nga subong may masobra 49 million followers sa Instagram; 6.5 million sa Twitter; 17 million sa Facebook; kag 239,000 sa YouTube.
