ILOILO CITY – Nag-abot na sa Pilipinas ang actress nga si Vanessa Hudgens para sa iya upcoming travel documentary.
Si Vanessa nga kilala sa iya starring roles sa “High School Musical” kag “The Princess Switch” ang nagbisita sa pungsod para sa iya travel documentary nga magapakita sang iya family history kag Filipino roots.
Para sa iya pinaka-una nga pagbisita sa Pilipinas, gin-updan si Vanessa sang iya utod nga si Stella kag ang ila Filipino mother nga si Gina nga magaupod man sa iya sa shooting sang project.
Magasugod ang filming subong nga bulan kag magabisita sila sa Palawan kag Manila.
Sang 2022, ginpahayag ni Vanessa nga naglaum ini nga mahimo nga pelikula ang immigrant story sang iya Filipina mother.
Ang documentary film nga wala pa sang working title ang iga-produce kag iga-direct ni Paul Soriano.
