ILOILO CITY- Indi pabor ang mga vape users sa pag ban sang e-cigarettes sa publiko.
Matandaan nga ginpahayag ni Presidente Rodrigo Duterte nga i-ban sini ang pag-gamit kag importation sang e-cigarretes bangud sa halit nga matuga sini sa ikaayong lawas.
Magluwas sini, ginmando man ni Duterte sa mga otoridad nga arestuhon ang magamit sang vape kag e-cigarettes.
Sa exclusive interview sang Bombo Radyo kay Junjun Talita, vape user, iya ginpahayag nga tuig 2016 pa siya nag umpisa sa pagamit sang e-cigarettes.
Suno kay Talita, sang una, naga sigarilyo ini, apang sang nagwa na ang e-cigarettes, nagbaylo na ini.
Ginpahayag ni Talita nga nag umpisa ini sa pagamit sang gamay nga vape, tubtub sang dako nga mas mahal ang presyo.
Indi suno sa natungdan mahapos ang pagamit sang e-cigarettes bangud mahimo ini makatuga sang disgrasya ilabi na kun sala ang pagamit sang battery.
Para kay Talita, indi tuman ka delikado ang e-cigarettes kun ipaanggid sa sigarilyo bangud wala ini sang nicotine kag flavorings lang.
Nahibaluan nga may isa ka ka kaso sang electronic cigarette or vaping-associated lung injury (EVALI) nga na- rekord sang Department of Health sa Central Visayas.
