ILOILO CITY – Ginsentensyahan lima kag tunga sa tuig nga pagkapreso sang isa ka Vatican court si Italian Cardinal Angelo Becciu nga anay adviser ni Pope Francis bangud sang financial crimes.
Ang 75 anyos nga si Becciu amo ang most senior Vatican official nga nagpangatubang sang amo nga akusasyon kag una na nga ginlauman nga mangin papal contender.
Ang trial ang nagsentro sa London property deal nga nagresulta sa dako nga kapyerdehan sa Catholic Church.
Mabaskog niya nga ginpanginwala ang amo nga financial crime kag ang pag-abuso sang iya katungdanan.
Suno sa abogado sang Cardinal, ang iya kliyente ang inosente kag maga-lodge sang appeal.
Siya ang ginpaidalom sa trial upod ang siyam ka iban pa.
Tanan sila ang lunsay convicted sa pila ka counts kag nakita-an nga indi guilty sa iban nga counts.
Ang nasambit nga trial nga nag-expose sang intriga sa pinakamataas nga Vatican ranks ang nagpadayon sa duha kag tunga sa tuig.
Matapos ang masobra sa lima ka oras nga pagkonsiderar sang tatlo ka judge sa verdict, gin-anunsiyo ni Court President Giuseppe Pignatone nga ang cardinal ang convicted sa embezzlement.
Ang iban nga ginalakipan sang financiers, mga abogado, pila ka anay empleyado sang Vatican nga akusado sang pila ka mga krimen, lakip na ang pagpanunto, money laundering kag pag-abuso sa posisyon ang nagpanginwala sa akusasyon.
Bangud sini, si Becciu ang pinakauna nga cardinal nga ginpaidalom sa trial bangud sang financial crimes.
Ini ang nagduso kay Pope Francis nga kaksan siya sang kinamatarong lakip na ang pagboto sang pala-abuton nga conclave nga amo ang magapili sa mabulos sa Santo Papa.
