Nalakip ang embahada sang Vatican sa mga nahalitan bangud sang atake sang Russia sa Kyiv sa Ukraine sang Huwebes sang aga.
Suno sa embassy, may damage sa main building sang Apostolic Nunciature amo man sa service areas.
Nagpahayag naman si Archbishop Visvaldas Kulbokas, ang ambassador sang Vatican sa Ukraine, nga nasaksihan sini ang drones nga nagalibot sa area kun sa diin nahamtang ang embahada. Gindugang sini nga nakabati siya sang pila ka pagsigabong sang gab-i.
Pahayag sini, bangud sa Russian attack, may mga naguba sa atop kag sa parking garage sang embassy, apang ginkumpirma sini nga safe ang tanan nga mga personnel.
Natabo ang airstrikes nga ini kadungan sang pagbukas man sang international conference sa Roma kun sa diin ginatutukan sang diskusyon ang tatlo ka tuig nga gyera sang Russia batok sa Ukraine.
Sa amo nga conferece, may ginpasalig nga billions of dollars nga ayuda para sa Kyiv.
Nahibaluan nga may yara sang formal diplomatic relations ang Vatican sa 180 ka mga pungsod. Kilala ang ila mga ambassador nga wala nagabiya sa ila posisyon kag wala man nagahalin sa embahada apisar pa sa tion nga may gyera.
