Ginkumpirma sang Vatican nga sa maayo nga proseso ang recovery ni Pope Leo XIV matapos ini nagpaidalom sa operasyon sa iya nga right lung.
Base sa resulta sa medical test sa iya nga dugo kag chest X-ray, sa normal na nga sitwasyon ang iya nga kondisyon kag nagasunod ini sa ginaluaman nga pag-ayo sang Santo Papa matapos ang operasyon.
Nag-umpisa naman ang Santo Papa sa respiratory physiotherapy, makalakat naman ini sa sulod sang iya nga kwarto kag nagbalik na ang iya normal nga pagkaon.
Apang, ginkumpirma man sang Vatican nga may ara sang lung adenocarcinoma ang 71-anyos nga Santo Papa, isa ini ka sahi nga canser sa baga, matapos makuha sang mga doctor ang bahin sang iya nga right lung sang adlaw sang Martes, Oktobre 13.
Samtang, ginpangunahan ni Filipino Cardinal Luis Antonio Tagle ang isa ka holy mass sa St. Peter’s Square sa Vatican City kahapon nga adlaw, Oktubre 14 samtang padayon nga nagapaayo ang Santo Papa.
Nahibaluan nga si Tagle gin-eliher bilang Dean of the College of Cardinals sadtong Oktubre 16, isa ka importante nga posisyon sa mga kardinal sang Vatican.
Kabahin sang mga responsibilidad sini amo nga pangunahan ang pila ka mga meeting sang mga cardinal kag mga importante nga obligasyon may kaangtanan sa pagpamuno sang simbahang Katolika.
