Indi maga-partisipar ang Vatican sa “Board of Peace” ni US President Donald Trump.
Suno kay Cardinal Pietro Parolin, top diplomat sang Vatican, ini bangud sa lain nga aspeto sang board kag ginpunto man sini ang pagpamuno sa krisis sang pungsod nga dapat iga-manage sang United Nations.
Sa matandaan nga ang ini nga Board of Peace, ginlunsyar matapos ang plano ni Trump sa Gaza nga temporaryo sini nga pamunuan ang pungsod kag posible nga pagatutukan man ang global conflicts sini nga ginapangatubang.
Patigayunon ang ila labing una nga pagpakighinun-anon sa Washington sa Estados Unidos kun sa diin ila paga-istoryahan kag pagatutukan ang rekonstruksyon sang Gaza.
Magatambong man ang pila ka mga pungsod kaangay sang Italy kag European Union nga magaserbe bilang obserbador.
Nahibaluan nga naka-agom sang madamo nga kritisismo ang ini nga inisyatiba bangud sa kakulangan sang representasyon sang Palestinian.
Ginakonsidera man ang pagkapreho sini sa isa ka colonial nga estruktura nga nagadala sang pangduha-duha nga basi magalapas ini sa United Nations.
Sa karon padayon ang humanitarisan crisis nga ginapangatubang sa Gaza ginakonsidera sang pila ka mga human rights experts bilang genocide.
Ang Santo Papa, nga kritiko sang pila ka mga polisiya ni Trump ang malaka lang nagatambong sa kaangay sini nga Board kag padayon ang pagpakigbato sini sa human rights sang nasambit nga pungsod.
