Himuon sang Iloilo City Government nga polisa nga buksan at least once a week ang vaccination centers sang syudad para sa tanan nga mga tawo lakip na sa mga walk-ins.
Gin-umpisahan ini subong nga adlaw, Agusto 19.
Sa interview sang Bombo Radyo kay Iloilo City Mayor Jerry Treñas, iya ginpahayag nga batunon pati ang mga indi residente sang Iloilo City, ang mga wala naka-pre register, kag ang mga naga-walk in lang sa vaccination center.
Suno sa alkalde, maga-designate lang ang COVID-19 team kun ano nga adlaw mangin OPEN FOR ALL ang vaccination center.
Gin-athag sang alkalde nga lantawon pa anay kun indi ma-overhelm ukon indi magginutok ang mga tawo sa vaccination site.
Bastante ang suplay sang bakuna subong nga semana kag nagapakig-angot man si Treñas sa national government para sa suplay sa masunod nga semana. See Less
