ILOILO CITY- Gin-islan sang Iloilo City Government ang schedule sang vaccine roll-out para sa mga nagaedad 5-11 anyos sa syudad kasunod sang launching sini kahapon.
Sa interview sang Bombo Radyo kay Iloilo City Mayor Jerry Treñas, iya ginpahayag nga sa baylo nga Lunes tubtob Martes, himuon na ini nga Sabado tubob Domingo umpisa sa masunod nga semana.
Suno sa alkalde, ini agud mas mangin convenient sa mga ginikanan ukon guardian nga maupdan ang kabataan bangud weekend kun ipaanggid sa weekdays nga kalabanan nga ginikanan ang masako sa trabaho.
Nagalaum naman ang alkalde nga mas magdamo pa ang kabataan nga mabakunahan sa syudad.
Samtang, padayon man ang vaccination sa mga mega sites kag bukas ini para sa mga pumuluyo sang syudad kag mangin sang probinsya.
