Nagdoble gid ang benta sang isa ka vendor sa Iloilo Terminal Market ukon Super bangod sang pagdinaguso sang mga bumalakal kasunod sang pagdeklarar nga ipaidalom sa Enhanced Community Quarantine (ECQ) ang syudad sang Iloilo nga nag-umpisa epektibo kahapon Hulyo 16 tubtob Hulyo 31.
Sa interview sang Bombo Radyo kay alyas Franz, iya ginpahayag nga naglab-ot sa P50, 000 ang iya benta kahapon kag pinakamataas kun ikumparar sa mga nagliligad nga mga adlaw.
Suno kay Franz, posible nga nagatipon man ang mga tawo sang suplay sang pagkaon sa sulod sang isa ka semana.
Dugang pa niya nga sa subong, wala pa man sang pagbag-o sa presyo sang ila nga mga baligya.
