Kun mahimo lang nga butongon ang petsa tubtob sa katapusan sang Hulyo, himuon gid sang Vendors Association sa syudad sang Iloilo agud nga indi lang mabatyagan liwat ang epekto nga dala sang Enhanced Community Quarantine (ECQ).
Sa interview sang Bombo Radyo kay Charlie Chan, Federation President sang Vendors Association, iya ginpahayag nga mas ma-gamay na lang ang mga manugbakal sa merkado bangud sa pagpaidalom sa syudad sa mas hugot nga quarantine status.
Suno kay Chan, kun sundon ang guidelines sang ECQ sang nagligad nga tuig, mangin one entrance-one exit na lang ang merkado, may yara sang specific number nga mahimo lang makasulod kag ang may mga quarantine pass lang ang pahanugutan nga makasulod sa merkado.
Sa subong, nagpangabay ang Federation President sa mga vendors nga kadungan sa pagbaligya sa sulod sang merkado, siguruhon gid ang pagpatuman sang health protocols.
