‘Very Organized’
Ini ang nangin reaksyon sang pila ka mga vaccinees sa COVID-19 vaccination nga ginpatigayon sa University of San Agustin subong nga adlaw, Hunyo 21.
Sa interview sang Bombo Radyo kay Joseph Alba, senior citizen kag isa ka immunocompromised, iya ginpahayag nga ginabanta 20 minutos lang ang ginlawig sang ila paghulat agud maproseso kag ma-examine bag-o tublukan sang bakuna.
Suno kay Alba, pag-abot nila sang iya asawa sa vaccination site, gin-assist sila gilayon sang medical personnel.
Madasig man suno sa iya ang proseso sang pagpabakuna sa diin wala na sila nagpila pa sang malawig kag naghulat sang madugay.
Dugang pa niya, first dose pa lamang ini nila sang iya asawa gamit ang Sinovac COVID-19 vaccine.
