Nagtaliwan na sa edad nga 76-anyos ang award-winning kag beterano nga film kag television actor nga si Ronaldo Valdez.
Ginkumpirma ini sang Quezon City Police District (QCPD) apang natalana pa lamang nga isapubliko ang rason sang iya kamatayon amo man ang statement sang pamilya.
Anum ka dekada ang ginlawig sang karera sini sa show business kag katapusan nga nakit-an sa proyekto nga “2 Good 2 Be True” nga ginbidahan nanday Daniel Padilla kag Kathryn Bernardo.
Amay siya sang singer-comedian nga si Janno Gibbs kag singer-actress nga si Melissa Gibbs.
Popular man siya sa iya papel sa mga proyekto nga May Minamahal, The Mistress, Seven Sundays, Cedie, The Flor Contemplacion Story, kag series kaangay sang Mula Sa Puso, FPJ’s Ang Probinsyano, kag I Love Betty La Fea.
Sang 2015, nahatagan siya sang Golden Screen TV Awards’ Helen Vela Lifetime Achievement Award para sa Drama.#
