Nagtaliwan na sa edad nga 86 anyos ang beterana nga aktres nga si Gloria “Lollie” Mara sang Oktubre 17.
Ini matapos nga ginkumpirmar sang iya pamilya, apang wala lang ginbuyagyag ang rason sang kamatayon sini.
Matandaan nga si Lollie ang nakilala sa iya mga nangin papel sa nagkalain-lain nga pelikula kag TV shows halin pa sang 1980s.
Lakip na diri ang iya karakter sa Bagets, Iisa Pa Lamang, Shake Rattle & Roll X, Maria Mercedes, Praybeyt Benjamin, Be Careful with My Heart, kag madamo pa.
Sang tuig 2016, ginpasidunggan siya bilang Best Supporting Actress sa Cinemalaya para sa iya performance kaupod ni Elizabeth Oropesa.
Magluwas sa iya karera sa entertainment industry, nagserbe man si Mara bilang head sang Radio Television Malacañang (RTVM) sa idalom sang administrasyon ni anay Presidente Fidel Ramos.
