Pormal na nga ginlunsar sang veteran singer nga si Imelda Papin ang “Pilipino Tayo,” isa ka bag-o nga Filipino song nga nagadala sang mensahe sang pag-isa kag kabakod sa tunga sang ginapangatubang nga pagpanghangkat sang Pilipinas.
Ang kanta nahimo kasunod sang nagapadayon nga mga isyu sa pungsod, lakip na ang mga ginapangatubang nga problema sa politika kag korapsyon.
Ginkumpirma man nga magapatigayon sang “Pilipino Tayo” caravan si Papin sa nagkalain-lain nga bahin sang Pilipinas agud mapalapnag ang mensahe sang kanta.
Target sini nga maghatag inspirasyon sa paghiliusa sa tunga sang nagkalain-lain nga panindugan sa politika sa pungsod.
Gin-anunsyo man nga magahiwat si Papin sang selebrasyon para sa iya ika-50 anibersaryo sa showbiz sa Mayo 2026.
