Mas na-excite pa ang fans matapos nanotisyaran nga naka-Instagram follow sa isa kag isa sanday Miss Universe 2018 Catriona Gray kag Pasig City Mayor Vico Sotto.
Wala man sang statement sanday Mayor Vico kag Catriona kun may yara sila sang possible project ukon engagement. Apang bisan wala sang klaro kun ano ang ila koneksyon, todo ang excitement sang netizens sa potential pair.
Matandaan nga karelasyon anay ni Cat ang actor-singer nga si Sam Milby kag natalana pa kuntani nga kaslon sang 2024, apang sini lang nga 2025 sang opisyal nga ginkumpirma ni Sam nga sila ang nagbulaganay. Wala man sang third party nga involved sa ila breakup suno sa actor.
Sa bahin naman sang personal life ni Mayor Vico, wala ini sang nasugid sa publiko apang gin-athag sini sang makapila ka beses nga indi sini prayoridad ang pag-angkon sang relasyon.
Mangin ang iloy sini nga si Coney Reyes nga isa ka beterana nga aktres ang nagpahayag man anay nga wala ini nagapahilabot sa personal affairs sang iya anak. Si Mayor Vico amo ang bata ni Coney sa veteran actor-comedian nga si Vic Sotto.
