Padayon nga ginakilala ang pag-arte nanday Vice Ganda, Kathryn Bernardo, kag Marian Rivera matapos sila mangin nominado sa Best Actor/Actress category sa ika-73 nga Filipino Academy of Movie Arts and Sciences (FAMAS) Awards.

Gin-nominate si Vice Ganda para sa pelikula nga “And the Breadwinner Is…”, si Kathryn Bernardo para sa “Hello, Love, Again”, kag si Marian Rivera para sa “Balota.”

Lakip man sa mga nominado sanday Ice Seguerra, Gladys Reyes, Judy Ann Santos, Matet de Leon, Ian Veneracion, kag Niño Muhlach bilang mga FAMAS Child Icon of Philippine Cinema.

Pagahiwaton ang awards night sa Agosto 22 sa Fiesta Pavilion sang Manila Hotel.

Nominado man para sa Best Picture ang masunod nga mga pelikula:

“And the Breadwinner Is…”

“Balota”

“Green Bones”

“Topakk”

“Uninvited” kag iban pa.

Samtang sa Best Director category, nominado sanday:

Jun Lana (“And the Breadwinner Is…”)

Dan Villegas (“Uninvited”)

Zig Dulay (“Green Bones”)

Richard Sommes (“Topakk”), kag iban pa.

Ang FAMAS Awards isa sa mga pinakauna kag pinaka-prestihiyoso nga award-giving bodies sa industriya sang pelikula sa Pilipinas, nga nagahatag pagkilala sa talento kag kontribusyon sang mga artista, direktor, kag writer sa sining industriya.