ILOILO CITY – Maswerte nga wala napilasan ang Phenomenal Box-Office Star nga si Vice Ganda matapos gin-arado sang truck ang salakyan niya upod sa tatlo ka iban pa sa Katipunan Avenue sa Barangay Loyola Heights, Quezon City.
Base sa initial nga imbestigasyon sang kapulisan, ang aksidente ang natabo kun sa diin, ang mga involved vehicles ang naga-traverse sa northbound lane sang dalan nagikan sa Aurora Boulevard padulong sa CP. Garcia Avenue.
Ginbunggu-an sang isa ka close van ang isa ka salakyan, gibunggu-an man ang sports utility vehicle kun sa diin nagasakay si Vice Ganda kag ang isa pa ka sedan.
Nagpanawagan naman ang 47 anyos nga komedyante sa management sang van nga buligan ang driver nga ginapahayag natulugan samtang nagamaneho.
Gin-ulan naman sang pagdayaw si Vice Ganda matapos nga ginbuligan ang iban pa nga indibidwal nga naulamid sa aksidente pinaagi sa pagpakalma sa ila.
