ILOILO CITY — Ginkumpirma ni Iloilo City Vice Mayor Jeffrey Ganzon nga wala sang may nabaton nga letter halin sa opisina ni Iloilo Governor Arthur Defensor Jr., nga nagasiling nga kanselado ang oath taking sa Partido Federal ng Pilipinas.
Sa interview sang Bombo Radyo kay Ganzon, iya ginpahayag nga wala nakakoordinar sa ila ang opisina sang gobernador tuhoy sa pagpanumpa, apang ginpasigurado sini nga apisar mag-upod pa siya sa National Unity Party (NUP) suportahan niya sa gihapon si Presidente Ferdinand Marcos Jr. sa national election.
Suno kay Ganzon, indi man siya makapamalibad bangud ang first cousin ni Pres. Marcos ang napangasawa sang hinablos man sang iya nga asawa nga si Girlie Ganzon.
Ginpahayag man ni Ganzon nga nagapati ini sa ikasarang ni Iloilo City Mayor Jerry Treñas sa kun ano man nga partido ang sudlan nila bangud sa organize sini nga pagpamalakad.
Gin-athag man sini nga may partido man ukon wala, mas gusto sang tawo ang personal sila nga gina-atubang sang politko agud nga kampanyahan.
