Patay ang bise-alkalde kag isa sa iya nga security aides matapos nga gin-ambush sa Maguindanao del Sir.
Ang biktima amo si South Upi Vice Mayor Roldan Benito nga nagasakay gid sa isa ka pick-up truck sa Sitio Linao, Barangay Pandan sa amo nga banwa kaupod ang iya pamilya kag security detail sang sila ang gin-atake.
Sa amo nga ambush, napilasan man ang asawa ni Benito nga isa ka punong barangay sa amo nga lugar amo man ang ila bata kag isa pa ka security escort.
Suno sa Bangsamoro Autonomous Region Police Office, gilayon nga nagpalagyo ang mga suspek sa wala pa nahibaluan nga direksyon kag padayon pa subong ang pag-ayam sang kapulisan.
Ang South Upi Police kag 57th Infantry Battalion sang Philippine Army ang nagapatigayon sang clearing kag pursuit operations.
Ang alkalde sang South Upi nga si Mayor Reynalbert Insular — nga survivor man sang tatlo anay ka ambush attempts — ang gilayon nga nagkondena sa insidente kag nagpadala sang mensahe sang simpatiya sa nalisdan nga pamilya.#
