ILOILO CITY – Magatutok na sa pagbato sang sala nga impormasyon si Philippine presidential runner-up vice president Leni Robredo kadungan sang iya paghingyo sa mga supporters nga batunon ang election results sa ginpatigayon nga thanksgiving rally sa Manila university campus.
Pagkatapos nga napyerde si presumptive president Ferdinand Marcos Jr. sa vice presidential race, naglaum si Robredo nga liwat nga malutos si Marcos sa presidential race.
Apang sa halos kumpleto na nga resulta, tuman ka dako sang abanse ni Marcos kay Robredo.
Suno sa bise presidente, kinahanglan nga magtukod sang isa ka movement nga nagadampig sa kamatuoran.
Kinahangalan nga mapaathag sa publiko kun paano maglapta ang sala nga impormasyon, ngaa epektibo ini kag sin-o ang sa likod sini.
Samtang, kadungan sang rally, gin-anunsiyo ni vice president Leni Robredo nga mangin isa ka non-government organization (NGO) ang anti-poverty program nga Angat Buhay kadungan sang iya pagpanaog sa pwesto sa Hunyo.
Suno kay vice president Robredo, madamo man sang nasubuan sa iya kapyerdehan apang kinahanglan nga magbangon bangud may yara pa sang trabaho nga dapat tungdan.
Padayunon niya ang pagbulig sa mga nagakinahanglan.
As of January 2022, ang Angat Buhay program nga naga-implementar sang anti-poverty initiatives sa bulig sang private sector ang nakahatag na sang bulig sa masobra 622,000 Filipino families humalin sang 2016.
Nagdangat naman sa 223 ka mga syudad kag banwa sa Pilipinas ang nakabenepisyo sang sini nga programa.
