Wala sang kahadlok nga atubangon ni Vice President Leni Robredo kun may i- file man nga impeachment batok sa iya.
Ini matapos nga ginpahayag sang Presidential Anti-Corruption Commission nga mahimo ma impeach ang bise presidente kun iduso sini ang resolusyon sang United Nations Human Rights nga imbestigahan ang war on drugs sang pungsod.
Suno kay Robredo, ang tawo nga wala sang sala, wala sang dapat nga kahadlokan sa imbestigasyon.
Sa bahin naman sang tagpamaba sang bise presidente nga si Atty. Barry Gutierrez, iya ginpahayag nga nakahanda ano man nga oras nga atubangon ni Robredo ang impeachment call.
Nagapati si Gutierrez nga wala sang may ginahimo nga malain ang bise presidente sa pagpakita sang suporta sa resolusyon sang Iceland.
