Ginkumpirma ni Atty. Barry Gutierrez ang pagkit-anay nanday former vice president Leni Robredo kag VP Sara Duterte sa Naga City.
Suno kay Gutierrez, nahibaluan lamang ni Robredo nga magabisita ang bise-presidente minutos antes nga ginpahibalo ni Duterte si Robredo.
Naglawig naman sang halos isa ka oras ang pag-istoryahanay sang duha.
Ginpahayag man ni Gutierrez nga lunsay personal ang nangin topiko sang anay bise-presidente kag ni VP Duterte kag wala naistoryahan ang politika.
Nahibaluan nga nagpadulong si Duterte sa Naga City agud nga magtambong sang Penafrancia Festival, kon sa diin, gingamit na lang sini ang oportunidad agud mabisita si former VP Leni Robredo.
