Opisyal na nga gin-endorso ni vice-presidential candidate Rizalito David ang iya kasumpong sa pagka-bise presidente nga si Senate President Vicente “Tito” Sotto III.
Kadungan sini, gin-athag ni David nga indi siya mag-atras sa pagpadalagan sa amo nga posisyon sa 2022 elections.
Suno kay David, si Sotto ang “best man for the job” bangud nga disente ini nga tawo, gentleman, good family man, kag nakahibalo gid sa iya nga Catholic Faith.
Apang, ginpaathag man sini kun ngaa indi siya magwithdraw sa iya pagpadalagan sa idalom sang Democratic Party of the Philippines.
Suno diri, mangin mas kumplikado bangud mahimo nga makonsiderar nga spoiled ang boto nga para sa iya, apang ang mas ginakabalak-an sini amo nga masaylo sa lain nga kandidato ang boto nga para sa iya.
Ginpasalig sini nga si Sotto ang iya nga suportahan sa nabilin nga mga inadlaw sang campaign period.Ang mayor nga rason nga gintumod ni David amo ang pareho nila nga values and advocacies, lakip na ang “pro-life movement” sa pungsod. ##
