Maga-export ang Vietnam sang duha ka milyon nga doses sang African Swine Fever (ASF) vaccines sa Pilipinas sa Oktubre.
Suno sa Vietnamese government, ang bakuna nga iga-export sang Pilipinas ang para sa commercial use kag himo sang AVAC Vietnam Joint Stock Company.
Halin sang naaprubahan ang amo nga bakuna suno sa gobyerno, nakapadala na ini sa Pilipinas sang 300,000 doses.
Matandaan nga sang nagligad nga bulan sang gin-aprubahan sang Vietnam sa domestic commercial use ang duha ka African swine fever vaccines nga amo ang NAVET-ASFVAC kag AVAC ASF LIVE nga gin-develop sang Vietnamese companies kag researchers halin sa United States.
Nahibaluan nga 650,000 doses na sang vaccines ang na-test sa mga baboy sa 40 ka probinsya sa amo nga pungsod kun sa diin ang efficacy rate ang yara sa 95%. #
