Maga-umpisa na ang Vietnam sang COVID-19 vaccination program sa masunod nga bulan sa diin ang mga frontline
healthcare staff kag mga tigulang amo ang una nga makabaton sang first dose.
Nagalaum ang pungsod nga makabaton sang 60 million doses subong nga tuig, lakip na ang 30 million sa idalom sang
World Health Organization-led COVAX scheme kaupod ang una nga batch sang 204,000 doses sang AstraZeneca
vaccine nga magaabot naman sa Vietnam sa Pebrero 28.
Nakahanda naman ang tatlo ka mga dalagko nga syudad sa Vietnam nga amo ang Hanoi, Ho Chi Minh City kag
Danang sa diin nahamtang ang mga refrigerators nga butangan sang mga bakuna.
Nahibaluan nga sang tinalikdan nga bulan, gin-aprubahan sang Vietnam ang AstraZeneca vaccine ara sa emergency use
pila lang ka adlaw matapos makadetect ang pungsod sang una nga locally transmitted cases.
