Gin-nominate sang Aktor PH (League of Filipino Actors) ang “Star for All Seasons” nga si Vilma Santos para sa National Artist award.
Lakip sa gin-highlight sang grupo kun nga nagakabagay gid si Santos para sa prestihiyoso nga pagkilala amo ang iya legasiya, exceptional versatility, kag impact sa Filipino arts and culture.
Una nga nakilala si Vilma bilang child actress sa edad nga nueve anyos sa “Trudis Liit” (1963), ang pelikula kun sa diiin napasidunggan man siya bilang una nga Famas Best Child Actress awardee.
Nangin madinalag-on ang karera sini sa show business kag ginakilala ang daku sini nga kontribusyon sa Philippine cinema sa masobra na anum ka dekada.
Wala-tuo man ang awards sini halin sa local kag international bodies lakip na ang Gawad Urian, FAMAS, Catholic Mass Media, Metro Manila Film Festival, PMPC Star Awards, kag international film festivals sa Brussels kag Dhaka nga amo ang naghimo sa iya nga most awarded actress sa maragtas sang Philippine cinema.
Indi lamang panglingaw-lingaw ang mga pelikula sini bangud kilala ini sa pag-address sang social issues kaangay sang “Dekada ’70” kag “Bata Bata Paano Ka Ginawa?”
Nahibaluan nga ang Order of National Artists (ONA) nga naestablisar sang 1972 amo ang nagakilala sa mga Pilipino nga may daku nga kontribusyon sa Philippine arts and letters. Ginahatag ang award sa kada apat ka tuig kag natunga sa pito ka kategorya: Music, Dance, Theater, Contemporary Arts, Literature, Film and Broadcasting/Broadcast Arts, kag Architecture, Design, and Allied Arts.
Sunod nga iga-anunsyo ang masunod nga grupo sang National Artists sa 2026.
Pananglitan kay Santos magatupa ang award, mapaidalom siya sa Film and Broadcasting/Broadcast Arts category.
Ang nag-nominate naman sa iya nga Aktor Ph ang ginabug-usan sang mga dalagku man nga pangalan sa showbiz kaangay kanday Dingdong Dantes, Jasmine Curtis-Smith, Iza Calzado, Mylene Dizon, Cherry Pie Picache, Agot Isidro, kag Piolo Pascual.
