Nagapanguna nga complaint batok sa pila ka mga myembro sang kapulisan amo ang paglapas sa RA 9262 ukon ang Anti-Violence Against Women and their Children.
Sa interview sang Bombo Radyo kay Atty. Michelle Yotoko, spokesperson sang National Police Commission Region 6, iya ginpahayag nga kalabanan nga ginareklamo ang mga pulis nga wala nagasuporta sa ila mga kabataan.
Suno kay Atty. Yotoko, ginasiguro nila nga ginahatagan gid sang NAPOLCOM sang atensyon ini nga mga reklamo.
Dugang niya, nagapatigayon man sila sang motu-proprio investigation may kaangtanan sa nanuhay-tuhay man nga mga complaints nga indi direkta nga ginadangop sa ila kundi ginapaagi sa media.
Matandaan nga anom ka mga pulis nga na-assign sa Western Visayas ang ginpangkakas sa serbisyo matapos nga mapamatud-an nga guilty sa mga seryoso nga administrative offenses.
May yara man sang tatlo nga gin-demote, apat ang ginsuspinde sang 20 ka adlaw, kag isa naman ang ginsuspinde sang anom ka bulan.
