ILOILO CITY – Gin-athag sang Malacañang nga nagalahog lang si Presidente Rodrigo Duterte sa pahayag sini nga magahatag siya sang mga virgins sa mga luyag magpadulong sa Pilipinas.
Sa sabat sa pamangkot sang Bombo Radyo Iloilo sa press conference sa sideline sang Dinagyang Festival, ginpahayag ni Presidential spokesperson Harry Roque nga maathag man nga joke lang ang pahayag sang presidente.
“That was clearly in jest. There’s no need to clarify what was really a joke made by the President. I’m sure it was said in jest. It’s not
just might. I am sure it was a joke,” suno kay Roque.
Nahibaluan nga kadungan sang iya biyahe sa India para sa ASEAN-India commemorative summit, ginpahayag ni Duterte nga pangganyat sang ISIS sa pag-recruit sang mga miyembro ang idolohiya nga kun mapatay ang mga ini nga martyr, may nagahulat sa ila nga 42 ka mga virgins didto sa langit.
Apang kun siya suno sa Presidente, ihatag niya ang mga birhen sa mga magapadulong sa Pilipinas.
Nahibaluan nga ginpakamalaot sang pila ka grupo ang nasambit nga pahayag ni Presidente Duterte bangud insulto para sa mga Filipina.