Nagkalain lain ang mga ginapatigayon nga aktibidad sang magpamilya kag mag-abyan kadungan sang Easter sa Qatar.
Suno kay Bombo International Correspondent Queny Gajete Parcon, direkta sa Qatar, ang Easter Festival ang ginaselebrar pinaagi sa nagkalain-lain nga events agud saulugon ang pagkabanhaw ni Hesus.
Sa mga magpamilya, kalabanan sa mga ini ang naga-day out kag nagapatigayon sang bunny brunch sa Doha.
Uso naman ang mga unlimited food sa diin may mga ginapatukar nga sonata samtang nagakaon.
Nagahimo man ang mga ini sang Do It Yourself (DIY) crafts ukon nagapatigayon sang hinampang.
Ang iban pa nga mga ginakabig ”Best Easter 2022 events” amo ang concerts, family cruises, Easter bunny bingos, kag virtual egg hunts.
