ILOILO CITY– Nangin madinalag-on ang labing una nga National Virtual Kick-off program sang 2020 Brigada Eskwela kag Oplan Balik Eskwela sang Department of Education nga ginpangunahan sang DepEd Region 6.
Sa interview sang Bombo Radyo kay Department of Education Secretary Leonor Briones, iya ginpahayag nga ginapasalamatan niya ang Presidente bangud sa suporta.
Suno kay Briones, ginapasalamatan man niya ang Inter-Agency Task Force kag mga manunudlo nga nagpakita sang ila suporta sa DepEd.
Todo man ang pagpasalamat ni Briones sa mga ginikanan nga nagpahayag sang ila pagsuporta sa pagbukas sang klase.
Nagdangat na sa 1,600 ang natalana nga magpa-enroll sa online medium sang ahensya.
Santo sa advisory sang Department of Education, indi na kinahanglan nga magbalik pa sa eskwelahan ang mga manunudlo humalin June 1 tubtob June 5 magluwas lang kun kinahanglanon.
Sa bahin naman sang mga ginikanan suno sa Education Secretary, may yara sang igahatag nga mga numero, hotline numbers, facebook kag iban pa nga social media account kun sa diin mahimo makapakig-angot sa pagproseo sang enrollment.
Nahibaluan nga subong nga adlaw, Hunyo 1, nagsugod na ang enrollment para sa school year 2020-2021.
