Ginpaidalom sang National Grid Corporation of the Philippines sa yellow alert status ang Visayas grid subong nga adlaw bangud sa indi bastante nga suplay sang kuryente.
Nag-umpisa ini las-tres sang hapon kag magalawig tubtob las-nueve karon sa gab-i.
Kasunod ini sang pagpabilin nga offline sang major coal power plants gani indi ma-deliver ang kinahanglan nga supply sa tunga sang mataas nga power demand.
Subong nga Martes, ang available capacity yara sa 2,542 megawatts (MW), samtang ang peak demand yara sa 2,412 MW.
Gina-isyu ang yellow alert kun ang operating margin ang indi bastante agud malab-ot ang contingency requirement sang transmission grid.
