ILOILO – Magahiwat sang Visayas Motorcycle Road Safety Convention ang Motorcycle Philippines Federation sa Abril 13, 2025 sa Santa Barbara National Comprehensive High School sa banwa sang Sta. Barbara, Iloilo.
Sa interview sang Bombo Radyo kay Felix Serisola, Regional Director sang Motorcycle Philippines Federation, iya ginpahayag nga ang katuyuan sang aktibidad amo ang pag-edukar sa mga motorista kaangot sa safety sa dalanon, kag kung paano malikawan ukon matapna ang aksidente.
Suno kay Serisola, libre ang pagpaparehistro kag may libre nga pamahaw man para sa tanan nga mga magatambong sa palaabuton nga convention.
Lakip sa mangin topiko sa convention amo ang Strategic Formulation nga ipasa sa Kongreso para mapahagan-hagan ang aksidente nga ginakaulamiran sang mga motorsiklo.
Ginapaabot nga magatambong ang mga tiglawas halin sa Department of Transportation (DOTR), Land Transportation Office (LTO) kag Philippine National Police (PNP) Highway Patrol Group kag pila ka mga mamalidha, agud istoryahang ang konreto nga mga tikang bahin sa sini nga aktibidad.
Sa katapusan, may yara man sang raffle ukon door prizes, lakip ang mga bag-o nga motorsiklo kag riding gear.
