Padayon pa subong ang imbestigasyon sang otoridad sa kamatayon sang Vivamax artist nga si Gina Lima.
Base sa imbestigasyon, antes ang insidente, nagbisita sa iya condominium sa Quezon City ang iya ex- boyfriend nga si Ivan Cezar Ronquillo, 24.
Pagkasunod nga aga, nakit-an na lang ni Ronquillo si Lima nga wala na nagaginhawa.
Gindala sang anay nobyo si Lima sa ospital apang gindeklarar ini nga dead-on- arrival.
Kasunod sang insidente, madamo naman ang nagpahayag sang ila pagduda kay Ronquillo nga amo ang ginatudlo nga nagkastigo kay Lima nga amo ang gintunaan sang kamatayon sini.
Suno sa post sang mga abyan sang biktima, masami sadto makitaan sang lagob sa lawas ang biktima kag ang ginatudlo nga may kahimuan amo si Ronquillo.
