Desidido kag maisog nga nag-file sang Certificate of Candidacy sa pagka-bise gobernador sang Iloilo ang nagpakilala nga vlogger, small businessman, preacher kag artist.
Siya amo si Mark John Velasco, 35 anyos kag residente sang banwa sang Zarraga.
Sa interview sang Bombo Radyo kay Velasco, iya ginpahayag nga ikaapat na niya ini nga pag-file sang COC humalin sang mga tinalikdan nga eleksyon sa probinsya sa diin lunsay napyerde ini.
Suno sa iya, kun liwat pa gid ini nga mapyerde sa 2025 midterm elections, dayunon na lang sini ang pag-artista nga nauntat sang nagliligad nga mga tuig sa diin ginapahayag nga nangin kabahin siya sang isa ka talent search.
Bangud sa pagkamatuod dugang sini, ang handum niya amo gid ang mangin isa ka artista kag indi mangin pulitiko.
Gin-ako man sini nga nagkitaay sila ni Mel Carreon apang indi agud mangayo sang political advise kundi bangud idol niya ini.
