Ginkasuhan na sang Philippine National Police (PNP) ang isa ka vlogger nga nagpalapta sang balita nga gin-raid ang balay ni anay Presidente Rodrigo Duterte.
Suno kay PNP public information chief Col. Randulf Tuaño, nanguna ang Police Regional Office 11 sa pagpasaka sang kaso.
Nag-ugat ang nasambit nga kaso sang ginpalapta sang vlogger nga indi magnubo sa 30 nga mga miyembro sang Criminal Investigation and Detection Group (CIDG) kag 90 nga mga personnel sang Special Action Force (SAF) ang nagpadulong sa balay sang anay president sang Abril 30.
Una na nga ginpanginwala sang PNP ang nasambit nga operasyon kag agud mabatuan ang paglapta sang fake news, ila ginkasuhan ang nagpalapta sini.
