Nagpanindugan si Department of the Interior and Local Government Secretary Jonvic Remulla nga padayunon nila ang pagpasaka sang kaso batok sa Russian vlogger nga si Vitaly Zdorovetskiy.
Gintuad ni Remulla nga nagsulat sa iya ang Russian vlogger samtang yara ini sa sulod sang presohan nga nagahangyo nga kun pwedi nga buy-an na ini siya.
Nakabutang sa sulat nga naga-experyensya ini siya sang mental health issues.
Suno kay Remulla, indi dapat pagpabay-an ang ginhimo sang Russian vlogger.
Sa masunod nga semana, igapasaka na ang kaso nga unjust vexation batok kay Zdorovetskiy bangud sa pagpang-harass sa tatlo ka security guards.
Nahibaluan na gihangyo sadto sang abogado ni Zdorovetskiy nga makipag-areglo sang mga security guards.
Una nga ginbasura sang Prosecutors’ Office sang Taguig ang kaso nga theft bangud sa wala sang maathag nga ebidensya kag ang nakita lamang nga kaso amo ang unjust vexation.
Madumduman nga ginreklamo ang Russian vlogger bangud sa ginhimo nga pagpangbastos sa mga gwardya sang mall kag iban pa nga establisyemento.
Mangin si Presidente Ferdinand Marcos Jr. ang wala man nalipay sa ginpang-ubra sang Russina vlogger kag ginahangkat man sang Presidente ang mga otoridad nga kasohan ini.
