Nadakpan ang 39-anyos nga vlogger sa ginpatigayon nga cyber patrol sang National Bureau of Investigation sa Oslob, Cebu matapos nga nagpost ini sang altered version sang pahayag ni Presidente Ferdinand ”Bongbong” Marcos Jr.
Suno kay NBI Cebu Regional Director Atty. Rennan Oliva, ila na-track down ang vlogger matapos nag-viral ang post sini sa social media.
Mensahe halin sa nadakpan nga vlogger, nagalaum nga patawaron siya sang presidente.
Magapangatubang ang vlogger sang kaso nga illegal use of publication in relation to cybercrime law nga may sentensya nga pagkapreso sang anum ka bulan tubtub anum ka tuig kag multa nga indi magsobra sa P200,000.
Samtang, liwat nga nagpagwa sang paandam si NBI Director Jaime Santiago sa mga vloggers nga nagapalapta sang fake news kag misinformation online.
Suno kay NBI Director Santiago, gina-imbestigaran man nila ang iban pa nga mga vlogger. Ang isa sa ila may 2 ka warrant of arrest para sa libel.
