ILOILO CITY- Ginpasakaan sang kaso ang vloggers nga Tukomi brothers bangud sa ila kidnap prank nga nagbutang sa ila kabuhi sa peligro.
Kaso nga alarm and scandal ang ginpasaka sa Las Piñas City prosecutor’s office batok sa ila bangud sa kidnapping prank.
Ang ginpasakaan sang kaso amo sanday Mark Lester San Rafael, Mark Hiroshi San Rafael kag Eleazar Stephen Fuentes.
Ginpatigayon ang prank sang Abril 6 kun sa diin ang eksena amo nga may yara sila sang ginkidnap nga indibiwal apang natabuan nga may pulis sa lugar rason nga gintayaan sila sang pusil.
Ang off-duty police officer amo si S/Sgt. Ronnie Conmingo nga yara sa atubang sang tiangge kun sa diin ginpatigayon ang prank.
Mismo si Conmingo ang nag-file sang kaso batok sa mga vloggers.
