ILOILO CITY – Magadangop sa National Bureau of Investigation si Iloilo City Vice Mayor Jeffrey Ganzon matapos gingamit ang iya pangalan sa isa ka scam.
Sa interview sang Bombo Radyo kay Ganzon, iya ginpahayag nga tatlo gid ka food delivery order ang ginpangalan sa iya sa sulod sang isa ka adlaw.
Ang iban diri ang gin-deliver pa sa iya nga balay.
Suno pa sa iya, wala man siya sang may gin-order ukon may ginsugo nga mag-order.
Ginkatingala naman ni Ganzon kun ngaa nga masami nga ginagamit ang iya pangalan sa pagpangsasko.
May mga tion man suno sa iya nga mangin sa iya opisina, may yara sang naga-abot nga delivery apisar nga wala man ini sang may gin-order.
