Nasuguran na ang pagpadala sang vote-counting machines (VCMs) sa nagkalain-lain nga probinsya sa Pilipinas nga amo gamiton sa 2022 elections.
Ini ang nagsugod las 12:00 sang kaagahon sang Abril 2 apisar sang panawagan nga postponement sang kampo ni presidential candidate Vice President Leni Robredo.
Sumugod Abril 2 tubtob sa Abril 19 ang election supplies forwarder sang Commission on Elections (COMELEC) amo ang maga-transport sang VCMs sa nagkalain-lain nga local hubs sa bilog nga pungsod bag-o pa ang May 9 elections.
Magluwas sa VCMs, kalakip man ang consolidation kag canvassing system (CCS) laptops, kag transmission devices sa mga ginsuguran na nga ginpanagtag.
Sa interview sang Bombo Radyo kay Atty. Wilfred Jay Balisado, direktor sang COMELEC VI, iya ginpahayag nga sa Iloilo, idirekta ini nga mag election paraphernalia sa storage facility sa banwa sang Leganes.
Suno kay Balisado, kinahanglan nga i-secure ang mga ballot boxes kag VCMs tubtob sa adlaw mismo sang eleksyon.
May yara man suno sa iya sang koordinasyon sa Philippine National Police (PNP) angot sa pagtransport sang amo nga mga election paraphernalia.
