Ginpahayag sang Pulse Asia nga pwede pa nga maglain ang botohon sang mga tawo ukon ang voter preference isa ka semana antes ang eleksyon.
Suno kay Prof. Ronald Holmes, presidente sang Pulse Asia, posible nga magbalhin sang pinsar ang tawo apisar nakit-an subong nga daw wala man sang paghulag sa rating nanday Ferdinand Marcos Jr. kag Vice-President Leni Robredo.
Si Marcos amo gihapon ang frontrunner sa May 9 presidential race suno sa latest and final pre-election survey sang Pulse Asia.
Apang suno kay Holmes, posible pa nga makaapekto sa voter preference ang campaign rallies kag house to house campaign sang duha ka leading presidential candidates.
Sa survey sang Pulse Asia nga ginpatigayon sang April 16 to 21 kun sa diin 2,400 ang respondents nationwide, nakakuha si Marcos sang survey rating nga 56 percent.
Si Robredo naman ang nakakuha sang 23 percent, mas manubo sang isa sa iya rating last month.
