ILOILO CITY – Temporaryo nga ginpauntat umpisa buwas nga adlaw, Marso 10, ang voter’s registration bangud sa Coronavirus Disease 2019 (COVID-19).
Ini ang ginkumpirma sa Bombo Radyo ni Mr. Jonathan Sayno sang Commission on Elections – Iloilo City.
Suno kay Sayno, kaina sang hapon sang iya nabaton ang memorandum gikan sa central office nga epektibo Marso 10 tubtub 31 ang kanselasyon sang voter’s registration.
Ginpahayag ni Sayno nga apisar sini, bukas sa gihapon ang talatapan sang Commission on Elections para sa mga may yara sang transaksyon.
Wala pa nahibalu-an suno sa natungdan kun bala may yara sang extension ang pagpauntat sang voter’s registration bangud nga ini ang nagadepende sa mandu sang central office.
Matandaan nga ang voter’s registration ang ginpadayon sang Enero 20 matapos nga ginpaiway ang May 2020 Barangay kag Sangguniang Kabataan elections.
