Ginpakigbahin ni Vice President Sara Duterte nga may yara na siya sang “na-recruit” nga mangin iya ka-tandem sa 2028 presidential elections, apang nagpamalibad ini nga pangalanan agud maprotektahan ang nasambit nga indibidwal samtang wala pa ini makadesisyon.
Matandaan nga nauna na gin-anunsyo ni Duterte ang iya pagpadalagan sa pagka-presidente sa 2028.
Suno sa iya, kun magmadaug ang iya mangin bise president, pagatutokan sini ang pagpanabat sa mga nagkasala sa pungsod, samtang siya naman ang magapokus sa iya mga katungdanan bilang presidente.
Ginbuyagyag man ni Duterte nga wala pa makahibalo ang iya amay nga si former President Rodrigo Duterte, sa iya pagdeklara sang kandidatura ag ang iya lamang bana, mga kabataan, kag pila ka mga staff ang nakahibalo sini.
Ginpahayag man niya nga ang pagkapresidente wala sang ginapili nga gender, kag mas importante ang abilidad, amo man ang kahandaan sang isa ka lider sa pagserbisyo sa pungsod.
